Month: September 2010

下午他們換好了裝，出發去尖沙咀 1881，酷熱氣溫下，苦了新人的幾位不離不棄的兄弟姊妹們。 至於我，工作中，習慣了汗流浹背，明白流汗是因為大家都想在大日子裡多影幾張靚相。 短短一小時外影，靚相都唔少，希望佢地會喜歡啦。 影到咁上下，我地又係時候折返酒樓了。 晚宴中斟茶不斷，大合照未停過。而Flora亦到了現場幫手，快快手，開席前總算完成了大部份人的合照。 聽Flora話，佢個契女好可愛，鏡頭等左一陣，小朋友俾契媽氹一氹，終於影到佢笑瞇瞇的一瞬間。 特別的進場方式，新人乘飛船從上而下，到達台上。接受大家的熱烈掌聲。 晚宴間氣氛很好，順利完成。送客後不忘跟Vivian多影幾張，留番個美麗句號。 恭喜晒兩位，聽到你地即將出發歐遊，玩得開心d啦。

是日係Flora朋友Ming少& Vivian 的大喜日子。參與她的朋友的婚禮拍攝，這幾年間經已有好幾次了。 天氣酷熱，兄弟齊心，早上大家的士氣都很高漲，就連他們的心肝寶貝：Yoyo都笑逐顏開。Yoyo由朝跟到晚宴，好乖無扭計，就連佢地晚宴進場時，都抱住佢坐飛車，幾趣緻啊！ 比較含蓄的Vivian，全日都被成班姊妹照顧周到。 成個玩遊戲嘅過程，就係班兄弟出力主動出擊，Ming少就係喺宣讀愛的宣言時，先至發揮佢嘅能量。 結果，順利過關。 開開心心，便順利完成了早上的所有環節，捉住佢地影番張相，大家抖一抖，便要速速換裝，出發去影外景了。